Fusnota

[130] Transmeton Aisheja, radijAllahu anha, se i Dërguari i Allahut, sal-lAllahu ‘alejhi ue sel-lem, ka thënë: “Nuk ka dyshim se dielli dhe hëna janë dy shenja prej shenjave të Allahut. Ata nuk zihen as për vdekjen e dikujt e as për lindjen e dikujt. Andaj, nëse i shihni ato (eklipsin e diellit dhe të hënës), lutjuni Allahut, thoni tekbire, faluni dhe jepni sadaka." [Transmetojnë Bukhariu, 1044 dhe Muslimi, 901]

Transmeton Ebu Musa el-Esh'arij, radijAllahu anhu, i cili thotë: “Në kohën e Pejgamberit, sal-lAllahu ‘alejhi ue sel-lem, ndodhi eklipsi i diellit. Kështu ai, sal-lAllahu ‘alejhi ue sel-lem, u çua me nxitim duke u frikësuar se mos po ndodhte Kijameti, shkoi në xhami dhe filloi të falej duke qëndruar shumë gjatë në këmbë, ruku dhe sexhde, gjë të cilën nuk e kam parë ta bënte në ndonjë namaz tjetër, pastaj tha: ‘Vërtet këto shenja që Allahu i dërgon, nuk ndodhin për shkak të vdekjes apo lindjes së dikujt, por i dërgon që t'i frikësojë robërit e Tij nëpërmjet tyre. Kështu që, kur të shihni ndonjërën nga këto, nxitoni që të përmendni Allahun, të bëni lutje dhe të kërkoni falje nga Ai.’”  [Transmetojnë Bukhariu, 1058 dhe Muslimi, 912]