Fusnota

[57] Transmeton `Auf Ibën Malik el-Eshxha`ij, radijAllahu anhu, i cili thotë: “Një natë u fala me të Dërguarin e Allahut, sal-lAllahu ‘alejhi ue sel-lem, dhe ai filloi të lexonte Suren el-Bekare. Kur vinte një ajet që fliste për mëshirën, ai ndalej së lexuari dhe bënte lutje, ndërsa kur vinte ndonjë ajet i kërcënimit, ai ndalej dhe i kërkonte mbrojtje Allahut. Më pas u përul në ruku dhe qëndroi aq sa qëndroi në këmbë, dhe tha në ruku: “Subhaane dhil-Xheberuuti uel-Melekuuti uel-Kibrijaai uel-`Adhameh”. Më pas kur u përul në sexhde qëndroi aq sa qëndroi kur ishte në këmbë dhe tha në sexhde të njëjtën lutje që tha në ruku. Pastaj u ngrit në rekatin e dytë dhe lexoi Suren Al `Imran, më pas në rekatet e tjera i lexoi Suret me radhë.” [Transmetojnë Ebu Daudi, 873 dhe Nesaiju, 1049]