Fusnota

[30] Transmeton Ebu Selemeh, radijAllahu anhu, i cili thotë: “Unë shihja ëndrra të këqija të cilat më bënin të sëmuresha, derisa e dëgjova Ebu Kataden duke thënë: “Edhe unë shihja ëndrra të këqija të cilat më bënin të sëmuresha, derisa e dëgjova Pejgamberin, sal-lAllahu ‘alejhi ue sel-lem, duke thënë: ‘Ëndrra e mirë është prej Allahut. Nëse dikush sheh në ëndërr diçka që i pëlqen, atëherë atë ëndërr t’ia tregojë vetëm atij njeriu që e do. E nëse sheh në ëndërr diçka që e urren, atëherë le të kërkojë mbrojtje nga Allahu prej të keqes së saj dhe prej të keqes së shejtanit, le të pështyjë tre herë lehtë dhe mos t’ia tregojë atë ëndërr askujt. Ato ëndrra nuk kanë për ta dëmtuar atë.’” [Transmetojnë Bukhariu, 7044 dhe Muslimi 2261, teksti në hadith është i Bukhariut]

[31] Transmeton Xhabiri, radijAllahu anhu, se i Dërguari i Allahut, sal-lAllahu ‘alejhi ue sel-lem, ka thënë: “Nëse dikush prej jush sheh një ëndërr që e urren, atëherë le të pështyjë lehtë tre herë në krahun e majtë, le t’i kërkojë mbrojtje Allahut nga shejtani tre herë dhe le ta ndërrojë krahun në të cilin po flinte!” [Transmeton Muslimi, 2262]