Fusnota

[204] Transmetohet nga Aisheja, radijAllahu anha, se ka thënë: “I Dërguari i Allahut, sal-lAllahu ‘alejhi ue sel-lem, e thoshte shpesh këtë fjalë: ‘I Pastër është Allahu nga çfarëdolloj mangësie dhe Atij i takojnë falënderimet! I kërkoj falje Allahut dhe tek Ai pendohem!’ Unë i thashë atij: ‘O i Dërguari i Allahut, po të shoh që shpesh e thua këtë lutje.’ Kurse ai më tha: ‘Zoti im më ka njoftuar se unë do të shoh një shenjë në këtë ummet. Kur unë e pashë atë shenjë, fillova të them shpesh: ‘I Pastër është Allahu nga çfarëdolloj mangësie dhe Atij i takojnë falënderimet! I kërkoj falje Allahut dhe tek Ai pendohem!’ Atë shenjë e kam parë te fjala e Tij:

﴿إِذَا جَآءَ نَصۡرُ ٱللَّهِ وَٱلۡفَتۡحُ١﴾

“Kur të vijë ndihma e Allahut dhe çlirimi.” en-Nasr, 1

Kështu, u çlirua Meka.

﴿وَرَأَيۡتَ ٱلنَّاسَ يَدۡخُلُونَ فِي دِينِ ٱللَّهِ أَفۡوَاجٗا٢ فَسَبِّحۡ بِحَمۡدِ رَبِّكَ وَٱسۡتَغۡفِرۡهُۚ إِنَّهُۥ كَانَ تَوَّابَۢا٣﴾

“Dhe t’i shohësh njerëzit duke hyrë në fenë e Allahut grupe-grupe. Atëherë ti madhëroje duke e falënderuar Zotin tënd dhe kërko falje nga Ai. Sepse vërtet Ai është Falës i madh.” en-Nasr, 2-3. [Transmeton Muslimi, 484]