Fusnota

[11] Transmeton nëna e besimtarëve, Xheurijjeh, radijAllahu ‘anha, se Pejgamberi, sal-lAllahu ‘alejhi ue sel-lem, doli prej dhomës së saj herët në mëngjes për të falur namazin e Sabahut, në kohën që ajo ishte në vendin ku ishte falur (në shtëpinë e saj). Ai, sal-lAllahu ‘alejhi ue sel-lem, u kthye në shtëpi pas lindjes së diellit, kurse ajo kishte mbetur në të njëjtin vend. Ai i tha: “Paske mbetur në të njëjtin vend ashtu siç të lashë?!” Ajo i tha: “Po!” Pejgamberi, sal-lAllahu ‘alejhi ue sel-lem, i tha: “Me të vërtetë që kam thënë katër fjalë duke i përsëritur ato tre herë, pasi që u ndava prej teje! Nëse këto fjalët e mia do të peshoheshin me fjalët e tua që ke thënë ti nga falja e sabahut e deri tani, këto fjalët e mia do të peshonin më shumë! Ato fjalë janë: “I Pastër nga të metat është Allahu dhe unë e falënderoj Atë aq sa është numri i krijesave të Tij, ashtu siç dëshiron Ai, aq sa është pesha e Arshit të Tij dhe aq sa janë pafund fjalët e Tij.” [Transmeton Muslimi, 2726]